امریکی خلائی ادارے ناسا نے بھارتی دارالحکومت نے نئی دہلی کی سیٹلائٹ تصویر جاری کردی۔
اے آر وائی نیوز کے مطابق ناسا نے تصویر جاری کرتے ہوئے لکھا کہ ’بھارت کے شمالی علاقوں میں لگی آگ کے دھوئیں نے دہلی کو لپیٹ میں لے لیا ہے۔
ناسا کے مطابق بھارت کی فصلوں کو لگنے والی آگ نے فضائی آلودگی کی سطح بڑھانے میں اہم کردار ادا کیا۔
دوسری جانب وزیراعظم عمران خان کے معاون خصوصی برائے موسمیاتی تبدیلی ملک امین اسلم کا کہنا ہے کہ کوئلوں کے استعمال پرپابندی کے باوجود بھارت اسموگ پرقابو پانے میں ناکام رہا، بھارت کی نااہلی کے باعث پنجاب میں اسموگ سے اثر پڑ رہا ہے۔
Smoke from crop fires in northern India blanketed Delhi and contributed to soaring levels of air pollution. https://t.co/Pe30imj6xV pic.twitter.com/RyNEmVcbXx
— NASA Earth (@NASAEarth) November 18, 2021
واضح رہےکہ بھارت کے دارالحکومت نئی دہلی میں بدترین فضائی آلودگی کے بعد تمام تعلیمی اداروں کو غیر معینہ مدت کے لیے بند کردیا گیا ہے۔
نئی دہلی کی فضائی آلودگی میں بدترین اضافہ ہوگیا ہے جس کی وجہ سے شہر کے تمام تعلیمی اداروں کو غیر معینہ مدت کے لیے بند کردیا گیا۔
علاوہ ازیں دہلی کے کمیشن اجلاس نے ایئر کوالٹی مینجمنٹ اور ہنگامی اقدامات کے لیے رواں ماہ کی 21 تاریخ تک تعمیراتی کام پر بھی پابندی عائد کردی ہے جبکہ شہر میں کوئلے سے چلنے والے 5 بجلی گھروں کو چلانے کی اجازت دی ہے۔
اس وقت نئی دہلی میں زہر آلود دھوئیں کے بادلوں کا راج ہے جبکہ ہوا میں چھوٹے چھوٹے زہریلی اجزا پھیلے ہوئے ہیں جو انسانوں کے پھیپھڑوں کو متاثر کرسکتے ہیں۔
