واشنگٹن: امریکی خلائی ادارے ناسا نے آسمان پر نمودار ہونے والی ’زندہ لاش کی آنکھ‘ کی تصویر شیئر کی ہے۔
امریکا کے عالمی خلائی تحقیقاتی ادارے ناسا کی جانب سے ایک روز قبل آنکھ نما تصویر شیئر کی گئی، جسے دیکھ کر صارفین ششدر رہ گئے۔
ناسا کی جانب سے اس تصویر کو زندہ لاش یعنی زومبی کی آنکھ قرار دیا گیا ہے، جسے ہالووین تہوار کی مناسبت سے شیئر کیا گیا۔
ناسا نے اپنے ٹویٹ میں اسے خلائی زندہ لاش قرار دیتے ہوئے لکھا کہ یہ مردار ستاروں کا جھرمٹ ہے جو بہت ہی خوفناک نظارہ پیش کررہا ہے۔
This space zombie has its eye 👁 on you!
The Helix Nebula is the spooky remains of a dying star, and will be "watching” from hundreds of light-years away as you trick-or-treat tonight.
Have a safe and #HappyHalloween! pic.twitter.com/zU9TA9rLMY
— NASA Ames (@NASAAmes) October 31, 2021
ٹویٹ میں بتایا گیا کہ یہ منظر سیکڑوں سالوں میں ایک بار نظر آتا ہے، گزشتہ شب اس منظر کی تصویر جاندار مائیکرواسکوپ اور کیمرے کی مدد سے محفوظ کی گئیں۔
ہالووین تہوار کیا ہے؟
ہالووین (Halloween) امریکا میں منایا جانے والا ایک ایسا تہوار ہے جس میں گلی کوچوں، بازاروں اور دیگر مقامات پر جابجا ڈراؤنے چہروں اور خوف ناک لباس میں ملبوس چھوٹے بڑے بھوت اور چڑیلیں چلتی پھرتی دکھائی دیتی ہیں۔
اکثر گھروں کے باہر بڑے بڑے کدو ’پِیٹھے‘ نظر آتے ہیں جن پر ہیبت ناک شکلیں تراشی جاتی ہیں اور ان کے اندر موم بتیاں جل رہی ہوتی ہیں۔ کئی گھروں کے باہر ڈراونے ڈھانچے کھڑے دکھائی دیتے ہیں اور ان کے قریب سے گزریں تو وہ ایک خوف ناک قہقہہ لگا کر دل دہلا دیتے ہیں۔
Looks very very like THE EYE OS SAURON 😀 ( Lord of the Rings ) pic.twitter.com/HX5RTidGDu
— aidan o driscoll (@aidanodr) October 31, 2021
کاروباری مراکز میں بھی یہ مناظر اکتوبر شروع ہوتے ہی نظر آنے لگتے ہیں، 31 اکتوبر کو جب تاریکی پھیلنے لگتی ہے اور سائے گہرے ہونا شروع ہوجاتے ہیں تو ڈراؤنے کاسٹیوم میں ملبوس بچوں اور بڑوں کی ٹولیاں گھر گھر جاکر دستک دیتی ہیں اور trick or treat کی صدائیں بلند کرتی ہیں۔
اس صدا کا یہ مطلب ہوتا ہے کہ یا تو ہمیں مٹھائی دو، ورنہ ہماری طرف سے کسی چالاکی کے لیے تیار ہو جاؤ، گھر کے مکین انہیں ٹافیاں اور میٹھی گولیاں دے کر رخصت کر دیتے ہیں۔