ناسا کی خلائی گاڑی جونو کا مشتری کے مدار میں سفر شروع -
The news is by your side.

Advertisement

ناسا کی خلائی گاڑی جونو کا مشتری کے مدار میں سفر شروع

واشنگٹن : ناسا کا نظام شمسی کے سب سے بڑے سیارے کے مشاہدے کے مشن کا آغاز ہوگیا، خلائی گاڑی جونو نے مشتری کے مدار میں سفر شروع کردیا ہے، جس کا مشن نظام شمسی کے سب سے بڑے سیارے کا مشاہدہ کرنا ہے ۔

jono-1

ناسا کے سائنسدانوں کا کہنا ہے کہ ناساکی خلائی گاڑی” جونو“ نے سیارہ مشتری کے گرد سفر شروع کردیا ہے ۔

امریکی میڈیا کے مطابق خلائی گاڑی جونو کی رفتار 165ہزار میل فی گھنٹہ ہے، باسکٹ بال گراؤنڈ سائز کی یہ گاڑی شمسی توانائی سے چلتی ہے، جس پرا یک ارب دس کروڑ ڈالر کی لاگت آئی ہے.

jono2

یہ مشن فروری 2018 تک جاری رہے گا، جس کے بعد جونو مشتری کی فضا کے اندر غوطہ لگا کر ’خودکشی‘ کر لے گا۔

jono-3

سائنسدانوں نے کہا ہے کہ جونو سے لی جانے والی معلومات سے نظام شمسی اورسیاروں کے بارے میں بہت سی نئی اور مفید معلومات سامنے آئیں گے، اگلے چالیس منٹ کے دوران جونو سورج کے گرد چکر لگائے گی، جس سے اسکی بیٹریاں چار ج ہونگی تاکہ اس کا مین انٹینا چلنے لگے جس کے بعد جونو کا رابطہ زمین سے قائم ہو گا۔

joni-2

واضح رہے کہ زمین سے 628,743,036 کلومیٹر دور مشتری ایک گیسی سیارہ ہے، جس پر ہائیڈروجن اور ہیلیئم کی بہتات ہے اور اسے ناکام سورج بھی قراردیا جاتا ہے۔ اس پر تحقیق سے خود ہمارے نظامِ شمسی کو جاننے میں بھی مدد ملے گی۔

Comments

comments

یہ بھی پڑھیں