قومی ٹیم کے نوجوان فاسٹ بولر نسیم شاہ کندھے کی انجری سے صحت یاب ہوگئے۔
سماجی رابطے کی ویب سائٹ ایکس (ٹوئٹر) پر نسیم شاہ کی ویڈیو وائرل ہورہی ہے جس میں وہ مقامی لیگ میچ میں ردھم کے ساتھ بولنگ کررہے ہیں۔
لیگ میچ میں نسیم شاہ پہلے کی طرح تیز بولنگ کرتے دکھائی دیے جبکہ ایک اوور میں انہوں نے حریف ٹیم کے دو کھلاڑیوں کو پویلین کی راہ بھی دکھائی۔
Naseem Shah makes a come back and got 2 wickets in his first over♥️.
Waiting to see him in PSL#PSL2024#PSL9#NaseemShah pic.twitter.com/rUEn6gYjf9— Ayyan jillani (@RelevantPhantom) February 2, 2024
اس سے قبل نسیم شاہ نے انسٹاگرام پر اپنی بولنگ کی ویڈیو شیئر کرتے ہوئے کم بیک پر اللہ تعالیٰ کا شکر ادا کیا۔
View this post on Instagram
واضح رہے کہ نسیم شاہ گزشتہ سال ستمبر میں ایشیا کپ میں بھارت کے خلاف میچ کے دوران زخمی ہوگئے تھے جس کی وجہ سے وہ بھارت میں ورلڈ کپ 2023 بھی نہیں کھیل سکے تھے۔
نسیم شاہ پی ایس ایل 9 میں ایکشن میں دکھائیں دیں گے جبکہ وہ اسلام آباد یونائیٹڈ کی نمائندگی کریں گے۔
