پاکستان کے ابھرتے ہوئے اسٹار فاسٹ بولر نسیم شاہ نے کہا ہے کہ انجری کسی بھی وقت آسکتی میں اپنی بالنگ پر فوکس کرتا ہوں۔
راولپنڈی ٹیسٹ کے دوسرے دن کھیل کے اختتام پر گفتگو کرتے ہوئے نسیم شاہ نے کہا کہ انگلینڈ کے کھلاڑیوں نے بہت اچھا کھیلا ہمارا اپنا انداز ہے اور ان کا اپنا انداز ہے۔
انہوں نے کہا کہ زندگی میں چیلنج کا مزہ آتا ہے کوشش کرتا ہوں کہ اپنا 100 فیصد دوں، بال اتنا ریورس شاید ہم سے نہیں ہو رہا ہم کوشش کریں گے جو ہماری کارکردگی ہے اس میں بہتری ہو۔
Naseem Shah and Zahid Mehmood's press conference at Pindi Cricket Stadium.#PAKvENG | #UKSePK https://t.co/GZfhEIbhqB
— Pakistan Cricket (@TheRealPCB) December 2, 2022
نسیم شاہ نے کہا کہ کوشش کرتا ہوں کہ کچھ اچھا سیکھوں اور کھیلوں، پچ اچھی ہو تو زور لگانا پڑتا ہے ہمارے ہاتھ میں جو ہوتا ہے ہم اسی طرح بہتر پرفارم کرنے کی کوشش کرتےہیں۔
اپنی فٹنس سے متعلق سوال پر نسیم شاہ کا کہنا تھا کہ انجری کسی بھی وقت آسکتی میں اپنی بالنگ پر فوکس کرتا ہوں۔