ایشیا کپ میں افغانستان کے خلاف دو چھکے لگانے والے نسیم شاہ کی پرفارمنس نے مداحوں کو دیوانہ بنا دیا۔
اے آر وائی نیوز کے مطابق گزشتہ روز کھیلے پاکستان اور سری لنکا کے خلاف میچ میں شائقین فاسٹ بولر نسیم شاہ کے ساتھ سیلفی لینے کے لیے بے تاب ہوگئے۔
وائرل ویڈیو میں دیکھا جاسکتا ہے کہ نسیم شاہ کے ساتھ تصاویر بنوانے کے لیے مداح اپنے موبائل فون پھینک رہے ہیں۔
نسیم شاہ نے بھی موبائل کیچ کرکے رکھ لیے اور بعد میں اپنے مداحوں کے ساتھ سیلفیاں بنوائیں۔
Hahaha 😂😂😂 Crowd mobile phenk rahi ha pic kay lia 😂😂 #NaseemShah pic.twitter.com/JxkbeZXYgt
— Thakur (@hassam_sajjad) September 9, 2022
واضح رہے کہ سری لنکا کے خلاف میچ میں قومی ٹیم کو 5 وکٹوں کی شکست کا سامنا کرنا پڑا تھا تاہم شائقین کرکٹ نے افغانستان کے خلاف جیت میں اہم کردار ادا کرنے والے نوجوان پیسر کو شائقین نے خوب داد دی۔
اس میچ میں نسیم شاہ اور شاداب خان کو آرام کروایا گیا تھا جبکہ عثمان قادر اور حسن علی کو پلیئنگ الیون کا حصہ بنایا گیا۔