ایشیا کپ میں کاندھے کی انجری کے باعث ورلڈ کپ سے باہر ہونے والے پیسر نسیم شاہ نے میگا ایونٹ کے لیے اسکواڈ کے اعلان کے بعد جذباتی ٹویٹ کیا ہے۔
اے آر وائی نیوز کے مطابق آئندہ ماہ کرکٹ کے سب سے بڑے میلے آئی سی سی ون ڈے ورلڈ کپ کا آغاز بھارت میں ہو رہا ہے جس کے لیے پاکستان کرکٹ ٹیم کا اعلان کر دیا گیا ہے۔ اسپیڈ اسٹار نسیم شاہ انجری کے باعث میگا ایونٹ سے باہر ہوگئے ہیں۔
ورلڈ کپ کے 15 رکنی اسکواڈ کے اعلان کے بعد نسیم شاہ نے سماجی رابطوں کی ویب سائٹ ٹویٹر پر جذباتی پیغام جاری کیا ہے جس کو پڑھ کر صارفین بالخصوص ان کے مداح اداس ہوگئے۔
نسیم شاہ نے ورلڈ کپ کے لیے اعلان کردہ ٹیم کے لیے نیک خواہشات کا اظہار کرتے ہوئے لکھا کہ بھاری دل کے ساتھ بتانا چاہتا ہوں کہ میں اس شاندار ٹیم کا حصہ نہیں ہوں۔
فاسٹ بولر نے مزید لکھا کہ ورلڈ کپ کے لیے ٹیم میں شامل نہ ہونے پ رمایوس ہوں مگر سب کچھ اللہ کے ہاتھ میں ہوتا ہے اور انشا اللہ جلد میدان میں دوبارہ اتروں گا۔
With a heavy heart, I’m sharing that I will not be part of this amazing team that will be representing our beloved country. While I’m disappointed, I believe everything is in Allah’s hands. InshahAllah will be on the field very soon.
Thank you to all my fans for the prayers!
— Naseem Shah (@iNaseemShah) September 22, 2023
نسیم شاہ نے اپنے ٹویٹ کے آخر میں اپنے لیے دعائیں کرنے والے تمام مداحوں کا بھی شکریہ ادا کیا ہے۔
