لاہور : سینئر وکیل ایڈووکیٹ انوارالحق کے بیٹے جمال ملک نے الزام عائد کیا ہے کہ میرے والد کے قتل میں ناصر بٹ براہ راست ملوث ہے، اس وقت کے وزیر اعظم نواز شریف نے اپنے اثر ورسوخ سے ملزم کو تحفظ فراہم کیا۔
تفصیلات کے مطابق جج ویڈیو اسکینڈل کے مرکزی کردار جرائم پیشہ ناصربٹ کے ایک اور جرم سے پردہ اٹھ گیا۔
ایڈووکیٹ انوارالحق کے بیٹے جمال ملک نے الزام عائد کیا ہے کہ میرے والد کے قتل میں ناصر بٹ ملوث ہے اور نواز شریف نے اپنے اثر ورسوخ سے ملزم کو تحفظ فراہم کیا۔
انہوں نے کہا کہ نواز شریف نے ناصربٹ کے خلاف مقدمہ چلنے ہی نہیں دیا۔ اس شخص نے میرے والد سمیت تین افراد کا قتل کیا تھا۔ جمال ملک کے مطابق والد کو قتل سے پہلے تشدد کا نشانہ بھی بنایا گیا۔
مزید پڑھیں: جج ارشد ملک کو دھمکیاں دینے والا کون تھا؟ اے آر وائی نیوز نے پتہ لگا لیا
والد کی لاش پر گاڑی کے ٹائروں کے نشان تھے۔ ملزم ناصربٹ پاکستان میں ایسے گھومتا ہے جیسے وہ کوئی لیڈر ہو۔
