کراچی: صوبائی وزیر اطلاعات سید ناصر حسین شاہ نے کہا ہے کہ ایم ایم اے کے قیام سے کوئی فرق نہیں پڑے گا، ماضی میں پیپلزپارٹی کو کوئی فرق نہیں پڑا تھا۔
ان خیالات کا اظہار انہوں نے کراچی میں میڈیا سے گفتگو کرتے ہوئے کیا، ناصر حسین شاہ نے کہا کہ کے پی میں گورنر، سی ایم ہاؤس کو لائبریری میں تبدیل نہیں کیا گیا، عمران خان کی صرف باتیں ہی ہیں۔
وزیر اطلاعات سندھ نے عامر لیاقت کی پی ٹی آئی میں شمولیت کے حوالے سے کہا کہ کوئی بھی کسی بھی تنظیم میں آجاسکتا ہے، اس سے ہمیں کوئی فرق نہیں پڑے گا۔
انہوں نے کہا کہ کرپشن کے خلاف کام کرنے والے کو راتوں رات ہٹا دیا گیا، نیب کے معاملات سب کے سامنے ہیں، امن و امان بہتر ہونے سے سرمایہ کار کراچی آرہے ہیں۔
ناصر حسین شاہ نے کہا کہ ڈالر اچانک 115 روپے پر جاپہنچا، وزارت خزانہ کی پالیسی بھی ٹھیک نہیں ہے، وفاقی حکومت کی خارجہ پالیسی بھی ناکام ہے۔
کراچی میں 25 مارچ کو ہونے والے پی ایس ایل تھری کے فائنل کے حوالے سے گفتگو کرتے ہوئے انہوں نے کہا کہ بس سروس کا آغاز پی ایس ایل شٹل سروس سے ہوگا، پی ایس ایل فائنل میں قواعد کو مدنظر رکھا جائے گا۔
وزیر اطلاعات سندھ کا کہنا تھا کہ پی ایس فائنل والے دن شہریوں کو صبر، برداشت اور حسن سلوک کا مظاہرہ کرنا ہوگا، دنیا بھر کو کراچی اور پاکستان کا مثبت چہرہ دکھائیں گے، اسٹیڈیم کی رونقیں بحال ہوگی، سپورٹ اور تعاون کریں گے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
0
20
