کراچی : وزیراطلاعات سندھ ناصر حسین شاہ نے پاکستان اسٹاک ایکسچینج پر حملے کی مذمت کرتے ہوئے کہا یہ دہشت گردی را فنڈڈ ہے بھارت کا ہاتھ ہے، وہ نہیں چاہتا یہاں امن ہو۔
تفصیلات کے مطابق وزیراطلاعات سندھ ناصر حسین شاہ نے پاکستان اسٹاک ایکسچینج پر حملے کے حوالے سے اپنے بیان میں کہا کہ انتہائی افسوسناک واقعہ ہے، جس کی جتنی مزمت کی جائے کم ہے، قانون نافذ کرنے والے اہلکاروں نے اپنی جانیں دے کر کسی بڑے نقصان سے بچا لیا۔
وزیراطلاعات سندھ کا کہنا تھا کہ سیکیورٹی تھریڈ رہتی ھے لیکن پاکستان اسٹاک مارکیٹ کی اپنی سیکیورٹی ہائی الرٹ ہے، بروقت اورموثر کارروائی سے دہشت گردوں کو ماراگیا، مختلف تنظیموں نے واقعہ کی زمہ داری قبول کی یے۔
ناصر حسین شاہ نے کہا کہ سندھ پولیس کی جانب سے آر آر ایف کے اہلکار بھی یہاں تعینات تھے ہماری فوج رینجرز پولیس کا آپس میں بہترین کورآڈینیشن ہے ، ہمارے جانب سے شہید ہونے والے نوجوانوں کی کارروائی سے دہشت گرد مارے گئے اور ہمارے کاروباری لوگوں کو خراج تحسین ہے کہ کاروباری جاری رہا۔
ان کا کہنا تھا کہ کراچی کا امن رینجرز پولیس کی قربانیوں سے قائم ہوا ہے ، یہ دہشت گردی را فنڈڈ ہے بھارت کا ہاتھ ہے، وہ نہیں چاہتا یہاں امن ہو لیکن ملکی سلامتی پرہم سب ایک ھیں اور اپنے وزیراعظم اور فوج کے ساتھ کھڑے ہیں ، دہشت گردوں کی ایسی کی تیسی کردیں گے۔
وزیراطلاعات سندھ نے مزید کہا دہشت گرد اسٹاک مارکیٹ پر حملہ کرکے معیشت دشمنی کی بڑی خبربنوانا چاہتے تھے ، بھارت نہیں چاہتاکہ پاکستان میں بہتری آئے غیرملکی سرمایہ کار اور کمپنیاں متحرک ہوں۔
