The news is by your side.

Advertisement

وزیراعظم کو سپورٹ کرینگے، ریلیف کے کاموں کو کو متنازعہ نہ بنایا جائے، ناصرحسین شاہ

کراچی : وزیراطلاعات سندھ ناصرحسین شاہ نے کہا ہے کہ وزیراعظم ملک کی بہتری کیلئے کام کررہے ہیں توہم مکمل سپورٹ کریں گے، میری گزارش ہے کہ معاملے کو متنازعہ نہ بنایا جائے،سب مل کر کام کررہے ہیں۔

یہ بات انہوں نے کراچی میں میڈیا سے گفتگو کرتے ہوئے کہی، انہوں نے کہا کہ لاک ڈاؤن کے دوران ہمیں ریلیف اقدامات کا معاملہ سیاست سے مبرا رکھنا ہے، ریلیف فورس میں سب لوگ شامل ہوسکتے ہیں.

انہوں نے کہا کہ اگر کوئی خیر کا کام کرتاہے تو ہمیں کوئی اعتراض نہیں ہوگا، وفاقی حکومت نے کہا تھا کہ ریلیف کے کاموں میں سب حصہ لے سکتے ہیں۔

ناصر حسین شاہ کا کہنا تھا کہ ٹائیگر فورس کےنام سے لگتاہے کہ یہ پی ٹی آئی کی کوئی ذیلی تنظیم ہے، وزیراعظم بہتری کیلئے کام کررہے ہیں توہم مکمل سپورٹ کریں گے۔

انہوں نے کہا کہ وفاقی حکومت کی ہیلتھ ایڈوائزری پرمن وعن عمل کیا جائے گا، تعمیرات کےشبعے کو اجازت کا معاملہ 2روز قبل کابینہ سے منظور ہوا ہے، ایس او پیز پرعملدرآمد کےساتھ تعمیراتی شعبے کو کام کرنے کی اجازت دی جائے گی۔

وزیر اطلاعات سندھ کا مزید کہنا تھا کہ میری تمام لوگوں سے مؤدبانہ گزار ش ہے کہ معاملے کومتنازعہ نہ بنایا جائے، ہم سب مل کرعوام کو ریلیف دینے کیلئے کام کررہے ہیں۔

Comments

یہ بھی پڑھیں