اسلام آباد: مشیر قومی سلامتی ناصر جنجوعہ نے کہا ہے کہ دہشت گردی کے خلاف جنگ میں ہمارا قومی مفاد ہے،افغان جنگ جتنےکی کوشش کے بجائےاسےختم کرناہوگا اور سب کو مل کر افغانستان میں قیام امن کے لیے کام اور محرمیوں کو دور کرنا ہوگا۔
تفصیلات کے مطابق پاکستان کے دورے پر آئی امریکی نائب وزیر خارجہ کی معاون ایلس ویلز نے مشیر قومی سلامتی ناصر جنجوعہ سے ملاقات کی اور دو طرفہ تعلقات سمیت علاقائی سلامتی کے امور پر تبادلہ خیا ل کیا۔
مشیر قومی سلامتی ناصر جنجموعہ کا کہنا تھا کہ افغان مسئلےکاجلدحل نکالنےکے لیے سب کو مل کر اپنی کوششں تیز کرنا ہوں گی، کیونکہ افغانستان کے مسئلےکا حل پاکستان اور امریکا دونوں کے مفادمیں ہے۔
[bs-quote quote=”امریکا عسکریت پسندوں کومذاکرات کی میزپرلاکر افغان مسئلے کا پرامن حل چاہتا ہے۔” style=”default” align=”left” author_name=”ایلس ویلز” author_job=”معاون امریکی وزیر خارجہ” author_avatar=”https://arynewsudweb.wpengine.com/wp-content/uploads/2018/03/alex.jpg”][/bs-quote]
مشیر قومی سلامتی نے دورہ کابل اور افغان حکام سے ملاقاتوں کا ذکر کرتے ہوئے کہا کہ حالیہ دورے میں افغان قیادت کے ساتھ مختلف موضوعات پر مثبت، تعمیری اور تفصیلی گفتگو ہوئی جس میں افغان صدر نےپاکستان کی جانب سے کی جانے والی امن کی پیش کش کا خیر مقدم بھی کیا۔
اُن کا کہنا تھا کہ افغان صدرکی پیشکش دیرینہ تنازع کےخاتمےمیں مددگارہوگی، افغان جنگ جتنےکی کوشش کے بجائےاسےختم کرناہوگا، خطے میں امن کے لیے پاکستان اورامریکاکوایک دوسرےپراعتمادکرتے ہوئے دو طرفہ انٹیلی جنس کی بنیاد پر معلومات کے تبادلے کو یقینی بنانا ہوگا۔
امریکی وزیر خارجہ کی نائب مشیر ایلس ویلز کا کہنا تھا کہ افغان صدرکی امن پیشکش پرمکمل تعاون فراہم کریں گے، امریکا عسکریت پسندوں کومذاکرات کی میزپرلاکر افغان مسئلے کا پرامن حل چاہتا ہے۔
اُن کا کہنا تھا کہ پاکستان اور افغانستان کے بہترتعلقات سے تعاون کو فروغ حاصل ہوگا، پاکستان سےافغان مہاجرین کی واپسی میں تعاون کریں گے کیونکہ پاک امریکا تعلقات بہت اہمیت کے حامل ہیں۔
