کراچی: سپریم کورٹ رجسٹری نے نسلہ ٹاور سے معلق تحریری حکم نامہ جاری کردیا۔
اے آر وائی نیوز کے مطابق سپریم کورٹ نے کمشنر کراچی کی رپورٹ مسترد کرتے ہوئے نسلہ ٹاور گرانے سے متعلق تحریری حکم نامہ جاری کردیا۔
تحریر حکم نامے میں نسلہ ٹاور فوری مسمار کرکے ملبہ صاف کرنے کا حکم دیا گیا ہے۔
سپریم کورٹ کا کہنا ہے کہ کمشنر کراچی نے تاحال عدالتی حکم پر عملدرآمد نہیں کیا، فوری عملدرآمد نہ ہوا تو کمشنر کے خلاف کارروائی ہوگی۔
تجوری ہائٹس اسٹرکچر کو فوری مسمار کرکے 26 نومبر کو رپورٹ پیش کرنے کا حکم دیا گیا ہے۔
سپریم کورٹ نے سوی ایوی ایشن کی زمین سے فوری قبضہ ختم کروانے کا بھی حکم دیا، سول ایوی ایشن اتھارٹی کو ایک ہفتے میں کلب بند کرکے رپورٹ پیش کرنے کی ہدایت کی گئی ہے۔
