انگلینڈ کے سابق کپتان ناصر حسین کرس واکس کی آف اسپن بولنگ دیکھ کر اس قدر حیران ہوئے کہ گر پڑے جس کی ویڈیو سوشل میڈیا پر وائرل ہوگئی۔
لندن اوول میں کھیلے جانے والے تیسرے ٹیسٹ میچ میں اچانک آسمان پر بادل چھاجانے سے روشنی نہایت کم ہوگئی تھی، ایسے میں امپائرز نے کرس واکس کو تیز گیند کرنے سے منع کیا جس پر ووئیکس نے آف اسپن بولنگ شروع کردی۔
سوشل میڈیا پر وائرل ہونے والی ویڈیو میں دیکھا جاسکتا ہے کہ کمنٹری باکس میں موجود سابق کپتان ناصر حسین پہلے تو ورطہ حیرت میں مبتلا ہوئے اور پھر کرسی سے گر پڑے۔
موجودہ کمنٹیٹر ناصر حسین انگلینڈ اور سری لنکا کے خلاف اس ٹیسٹ میچ میں کمینٹری کے فرائض انجام دے رہے تھے، تاہم انھیں کرس واکس کا آف اسپن ایکشن بالکل بھی ہضم نہ ہوسکا۔
ویڈیو میں دیکھا جاسکتا ہے کہ ناصر حسین ایک گھومنے والی چیئر پر بیٹھے ہیں اور وہ گراؤنڈ کی طرف دیکھ کر اپن چیئر موڑتے ہیں اور اچانک ہی بری طرح زمین پر گر جاتے ہیں۔
خیال رہے کہ اوول میں تیسرے ٹیسٹ میچ میں اس وقت دلچسپ صورتحال دیکھنے میں آئی جب فاسٹ بولر کرس ووئیکس اسپنگ بولنگ کرنے پر مجبور ہوگئے، ان کے اس عمل پر ساتھی کھلاڑی جوئے روٹ کے تاثرات دیدنی تھے۔
واکس نے جو ایکشن اپنایا تھا وہ جوئے روٹ کی آف اسپن بولنگ سے کافی ممالث رکھتا تھا، اس انداز پر جوئے روٹ بھی حیران ہوئے بنا نہ رہ سکے۔
ہفتے کو لندن اوول میں میچ کے دوران روشنی کافی کم ہوگئی، اس وجہ سے مجبوراً واکس کو آف اسپن بولنگ کرنا پڑی کیوں کہ ان کی برق رفتار گیند اتنی کم روشنی میں کھیلنا ممکن نہیں ہوتا۔
