بھارتی ٹیم کے آل راؤنڈر ہاردک پانڈیا کی انسٹاگرام پوسٹ پر مداحوں نے سوالات اٹھا دیے۔
فوٹو اور ویڈیو شیئرنگ ایپ انسٹاگرام پر بھارتی ٹیم کے آل راؤنڈر ہاردک پانڈیا نے بیٹے اگستیا کے ساتھ تصاویر شیئر کیں جس میں انہیں بیٹے کے ساتھ ٹی 20 ورلڈ کپ کی کامیابی کا جشن مناتے ہوئے دیکھا جاسکتا ہے۔
تصویر شیئر کرتے ہوئے پانڈیا نے بیٹے کے لیے لکھا کہ ’میرا نمبر ون، میں جو کچھ بھی کرتا ہوں وہ آپ کے لیے کرتا ہوں۔‘
ہاردک پانڈیا کا پوسٹ کو لاکھوں کی تعداد میں مداح دیکھ چکے ہیں اور ان سے اہلیہ نتاشا اسٹینکووچ سے متعلق سوالات کررہے ہیں۔
ایک مداح نے لکھا کہ ’بھابھی جی نظر نہیں آرہیں۔‘
View this post on Instagram
دوسرے مداح نے لکھا کہ ’بھابھی کے ساتھ بھی تصاویر شیئر کریں۔‘
واضح رہے کہ بھارتی میڈیا پر گزشتہ دنوں ہاردک پانڈیا اور اہلیہ و سربین اداکارہ نتاشا اسٹینکووچ کے درمیان طلاق کی خبریں گردش کررہی تھیں۔
سوشل میڈیا پر ہاردک پانڈیا اور نتاشا کی طلاق کی خبروں کے ساتھ ساتھ یہ افواہیں بھی گردش کررہی تھیں کہ طلاق کے بعد نتاشا شوہر کی 70 فیصد جائیداد کی مالک بن جائیں گی۔
ہاردک پانڈیا اور نتاشا کی جانب سے علیحدگی کی تصدیق یا تردید نہیں کی گئی ہے۔
