The news is by your side.

Advertisement

مظلوم فلسطینیوں سے یکجہتی کیلئے پوری قوم یک زبان، آج پاکستان بھر میں یوم فلسطین منایا جا رہا ہے

اسلام آباد : آج پاکستان بھر میں یوم فلسطین منایا جا رہا ہے، شہر شہر ریلیاں اور مظاہرے جاری ہے ، جس میں دہشتگرد اسرائیل کے خلاف نعرے لگائے جارہے ہیں۔

تفصیلات کے مطابق وزیر اعظم عمران خان کی ہدایت پر ملک بھر میں آج فلسطینوں سے اظہار یکجہتی اور اسرائیلی بربریت کے خلاف یوم یکجہتی فلسطین منایا جا رہا ہے، یوم یکجہتی کیلئے شہر شہر ریلیاں اور مظاہرے جاری ہے ، شہریوں کی جانب سے اسرائیل کے خلاف نعرے لگائے گئے۔

وفاقی وزیر فواد چوہدری نے اپنے پیغام میں کہا ہرفردغزہ،فلسطین سےیکجہتی کیلئےوزیراعظم کی پکارپرلبیک کہےگا، پاکستان کاہرفردآپ کے ساتھ ہے ہم سب فلسطین ہیں، سیزفائرہوناایک کامیابی ہے، آپ کےحقوق ملنےتک جدوجہدمیں آپ کےساتھ ہیں۔

معاون خصوصی اطلاعات فردوس عاشق اعوان نے عوام سے یو م یکجہتی فلسطین کے موقع پر منعقد کی جانے والی ریلی میں بھرپور شرکت کی اپیل کرتے ہوئے کہا ہے کہ معصوم فلسطینیوں پر اسرائیلی مظالم اسرائیلی دہشت گردی کے خلاف اتحاد اور یک زبانی کا تقاضا کرتے ہیں۔

فردوس عاشق اعوان نے کہا شرکاءسے گزارش ہے کورونا ایس او پیزکو مدنظر رکھتے ہوئے ریلی میں شریک ہوں اور بے گناہ فلسطینی بہن بھائیوں، بچوں کے ساتھ یکجہتی کرتے ہوئے اسرائیلی دہشت گردی کا یک زباں ہوکر جواب دیں۔

نماز جمعہ کے بعد اسلام آباد سے اقوام متحدہ کے دفتر تک احتجاجی مارچ کیا جائے گا، مارچ کی سربراہی سپیکر قومی اسمبلی اسد قیصر کریں گے جبکہ ارکان قومی اسمبلی بھی احتجاج میں شریک ہوں گے ۔

فلسطین سے اظہاریکجہتی کیلئے وکلاکا مارچ پارلیمنٹ ہاؤس پہنچ گیا ، مظاہرین میں سینئر اور خواتین وکلاکی شرکت کی ، مظاہرین نے اسرائیل جارحیت کیخلاف پوسٹرز اٹھا رکھے ہیں۔

Comments

یہ بھی پڑھیں