اسلام آباد : قومی اسمبلی اور سینیٹ میں ایران پر اسرائیلی جارحیت کیخلاف مذمتی قرارداد منظور کرلی گئی۔
تفصیلات کے مطابق اسپیکر ایاز صادق کی زیرصدارت قومی اسمبلی کا اجلاس ہوا، اجلاس میں سید نوید قمر کی جانب سے ایران پراسرائیلی جارحیت کیخلاف قرارداد پیش کی گئی۔
قومی اسمبلی اجلاس میں ایران پراسرائیلی جارحیت کیخلاف مذمتی قرارداد منظور کرلی۔
قرارداد میں کہا گیا کہ ایران کی خود مختاری اور سلامتی پر حملہ کیاگیا، ایران کو اپنی خود مختاری کے تحفظ کا حق حاصل ہے، پاکستان ایرانی حکومت و عوام سے مکمل یکجہتی کا اظہار کرتا ہے۔
قرارداد میں مطالبہ کیا گیا کہ سیکیورٹی کونسل،اوآئی سی کافوری اجلاس طلب کیا جائے اور اسرائیلی جارحیت کو فوری روکا جائے۔
مزید پڑھیں : اسرائیل کا ایران پر حملہ، پاکستان کا ردعمل
دوسری جانب سینیٹ میں ایران پر اسرائیل کے حملے کیخلاف مذمتی قرار داد منظورکرلی گئی۔
قرارداد نائب وزیراعظم اسحاق ڈار نے پیش کی، جس میں کہا گیا کہ ایران پراسرائیلی حملے کی مذمت کرتے ہیں۔
یاد رہے پاکستان نے اسرائیلی حملوں کی شدید مذمت کرتے ہوئے ایران سے مکمل یکجہتی کا اظہار کرتے ہوئے جانی نقصان پرایرانی عوام سے ہمدردی کا اظہار کیا۔
