کراچی : ڈی جی سول ایوی ایشن اتھارٹی شاہ رخ نصرت نے قومی ایوی ایشن پالیسی2019کے مسودہ کی منظوری دے دی ہے، پالیسی کا مسودہ حتمی منظوری کیلئے وفاقی کابینہ کو بھیجا جائے گا۔
تفصیلات کے مطابق سول ایوی ایشن ہیڈ کوارٹرز میں اعلیٰ سطح کا اجلاس منعقد ہوا، اجلاس کی صدارت ڈی جی سول ایوی ایشن اتھارٹی شاہ رخ نصرت نے کی، اس موقع پر ایئرلائنز اور جنرل ایوی ایشن آپریٹرز کے سربراہوں اور نمائندے بھی موجود تھے۔
اجلاس میں قومی ایوی ایشن پالیسی2019کے مسودہ کی منظوری دی گئی، اجلاس کے مندوبین نے نئی ایوی ایشن پالیسی میں ائیرلائنز، جنرل ایوی ایشن آپریٹرز اور فضائی مسافروں کے لیے رکھے گئے فوائد اور مراعات کی تعریف کی۔
اجلاس میں فیصلہ کیا گیا کہ نئی ایوی ایشن پالیسی کا مسودہ حتمی منظوری کیلئے وفاقی کابینہ کو بھیجا جائے گا۔
