The news is by your side.

Advertisement

پاکستان میں دہشت گردی کی وارداتوں میں کمی آئی ہے، نیکٹا رپورٹ وزیر اعظم کو پیش

اسلام آباد : نیشنل کاؤنٹر ٹیرر ازم اتھارٹی (نیکٹا) نے اپنی رپورٹ میں کہا ہے کہ ملک میں دہشت گرد حملوں میں واضح کمی ہوئی ہے تاہم گزشتہ سال بلوچستان زیادہ متاثر رہا۔

تفصیلات کے مطابق نیشنل کاؤنٹر ٹیرر ازم اتھارٹی نے سال2018کے حوالے سے اپنی رپورٹ وزیر اعظم عمران خان کو پیش کردی ہے، پاکستان امن کی راہ پر گامزن ہوگیا۔

نیکٹا حکام نے2018کی رپورٹ میں کہا ہے کہ گزشتہ سال ملک میں ہونے والے دہشت گرد حملوں میں ماضی کی نسبت واضح کمی دیکھنے میں آئی ہے تاہم دہشت گردی میں کمی کے باوجود صوبہ بلوچستان زیادہ متاثر رہا۔

 بلوچستان اور فاٹا میں دہشت گردی میں مجموعی طور پر22فیصد کمی آئی، رپورٹ کے مطابق سال2018میں دہشت گردی سے517افراد جاں بحق ہوئے، جاں بحق 288افراد کا تعلق بلوچستان سے ہے ۔

نیکٹا رپورٹ میں مزید بتایا گیا کہ سندھ میں سال2018میں80فیصد دہشت گرد حملوں میں کمی آئی ہے، پنجاب اور اسلام آباد میں50،اورآزاد کشمیر میں دہشت گردی کے واقعات میں67فیصد کمی سامنے آئی۔

رپورٹ کے مطابق دہشت گردانہ کارروائی میں فاٹا میں138کے پی میں59افراد جاں بحق ہوئے، پنجاب میں15سندھ میں دس افراد دہشت گردی کی واداتوں میں جاں بحق ہوئے، اس کے علاوہ گلگت بلتستان میں پانچ ،آزاد کشمیر،اسلام آباد میں ایک ایک شخص جاں بحق ہوا۔

Comments

comments

یہ بھی پڑھیں