پاک آسٹریلیا وائٹ بال کرکٹ سیریز کے لیے پاکستان کی قومی کرکٹ ٹیم کے کھلاڑیوں کا دوسرا گروپ کراچی سے میلبرن روانہ ہوگیا۔
قومی کرکٹ ٹیم کے کھلاڑی نجی ایئرلائن کی پرواز سے آسٹریلیا روانہ ہوئے، سیریز کے لیے روانہ ہونے والے پلیئرز میں وائٹ بال کپتان محمد رضوان، نائب کپتان سلمان علی آغا اور عبداللہ شفیق شامل ہیں۔
اس کے علاوہ آل راؤنڈر عامر جمال، اوپنر صائم ایوب، مڈل آرڈر بیٹر کامران غلام کے ساتھ ساتھ حسیب اللہ اور عرفات منہاس بھی آسٹریلیا روانہ ہوئے ہیں۔
- Advertisement -
پاکستان کرکٹ ٹیم کے کھلاڑی کل آسٹریلیا پہنچیں گے، قومی کھلاڑیوں کا پہلا گروپ پہلے ہی آسٹریلیا پہنچ چکا ہے، پاکستان کرکٹ ٹیم آسٹریلیا کے خلاف اپنا پہلا میچ 4 نومبرکو کھیلے گی۔
