تازہ ترین

رواں مالی سال قومی مجموعی پیداوار میں اضافے کا امکان

نیشنل اکاؤنٹس کمیٹی کا اجلاس ہوا ہے جس میں رواں مالی سال کے دوران جی ڈی پی گروتھ میں اضافے کا امکان ظاہر کیا گیا ہے۔

اے آر وائی نیوز کے مطابق نیشنل اکاؤنٹس کمیٹی کا اجلاس ہوا جس میں رواں مالی سال جی ڈی پی گروتھ میں اضافے کا امکان ظاہر کرتے ہوئے جی ڈی پی 5.9 فیصد رہنے کا امکان ظاہر کیا گیا ہے جب کہ گزشتہ مالی سال کے دوران جی ڈی پی گروتھ 5.7فیصد ریکارڈ ہوئی تھی۔

نیشنل اکاؤنٹس کمیٹی کے مطابق رواں مالی سال خدمات کے شعبے میں کارکردگی 6.19 فیصد کی سطح پر رہی ہے۔

رواں مالی سال کے دوران صنعتی شعبے کی گروتھ میں معمولی کمی کا امکان ظاہر کیا گیا ہے جس کے مطابق صنعتی شعبے کی گروتھ 7.80 فیصد سے کم ہوکر 7.19 فیصد رہنے کا امکان ہے۔

نیشنل اکاؤنٹس کمیٹی کے مطابق رواں سال کے دوران زرعی شعبے کی گروتھ بڑھ کر4.4 فیصد ہونے کا امکان ہے جب کہ گزشتہ مالی سال زرعی شعبےکی گروتھ 3.4 فیصد کی سطح پر ریکارڈ ہوئی تھی۔

Comments

- Advertisement -