کراچی: باکسنگ سمیت دیگر کھیلوں کے کھلاڑی بھی بیرون ملک غائب ہونے لگے۔
اے آر وائی نیوز کے مطابق ذرائع کا بتانا ہے کہ قومی سیپاک ٹاکرا ٹیم کا کھلاڑی ارشد واجہ 30 نومبر کو کوریا میں غائب ہوگیا۔
ارشد واجہ نے کوریا جانے سے پہلے ملازمت سے استعفیٰ دے دیا تھا۔
واضح رہے کہ تین ماہ قبل برمنگھم میں منعقدہ کامن ویلتھ گیمز میں شرکت کے بعد واپسی پر 2 پاکستانی باکسرز غائب ہوگئے تھے دونوں باکسرز کے سفری کاغذات باکسنگ فیڈریشن کے حکام کے پاس ہی تھے۔
یہ پڑھیں: کامن ویلتھ گیمز سے واپسی پر 2 پاکستانی باکسرز غائب
باکسرز کے نہ ملنے پر ٹیم برطانیہ سے دونوں باکسرز کو لیے بغیر وطن روانہ ہوئی تھی، ایونٹ میں پاکستان نے 18ویں پوزیشن حاصل کی تھی۔
یاد رہے کہ اس سے قبل سری لنکا کے کامن ویلتھ گیمز میں شرکت کیلئے برطانیہ جانے والے دستے کے 10 ارکان کے غائب ہونے کی اطلاعات آئی تھیں۔