پاکستان کرکٹ بورڈ نے آسٹریلیا کے خلاف تین ٹیسٹ میچز کی سیریز کےلیے قومی اسکواڈ کا اعلان کردیا، سیریز کےلیے 5 ریزرو کھلاڑیوں کے ناموں کا بھی اعلان کیا گیا ہے۔
پی سی بی کی جانب سے اعلان کردہ اسکواڈ میں تین تبدیلیاں کی گئی ہیں جس کے بعد حارث رؤف اور شان مسعود کی ٹیسٹ اسکواڈ میں واپسی ہوئی ہے، دونوں کھلاڑیوں کو بلال آصف اور عابد علی کی جگہ شامل کیا گیا جب کہ یاسر شاہ کو ریزرو کھلاڑیوں میں شامل کیا گیا ہے۔
ٹیسٹ اسکواڈ کے کپتان بابر اعظم اور نائب کپتان محمد رضوان، عبداللہ شفیق، اظہرعلی، فہیم اشرف، فوادعالم، حارث رؤف، حسن علی، امام الحق، محمدنواز، نعمان علی اور ساجدخان اسکواڈ شامل ہیں۔
قومی اسکواڈ میں سعود شکیل، شاہین شاہ آفریدی، شان مسعود، زاہد محمود جب کہ ریزرو کھلاڑیوں میں کامران غلام، محمد عباس اور نسیم شاہ، سرفراز احمد اور یاسر شاہ شامل ہیں۔
واضح رہے کہ پی سی بی کی جانب سے ثقلین مشتاق کو مزید ایک سال کیلئے قومی ٹیم کا ہیڈ کوچ، شان ٹیٹ 12 ماہ کےلیے قومی کرکٹ ٹیم کے فاسٹ بولنگ کوچ مقرر کیا گیا ہے جب کہ محمد یوسف آسٹریلیا سیریز کےلیے بیٹنگ کوچ ہوں گے۔
اسٹاف کے دیگر ارکان میں منیجر منصور رانا، فیلڈنگ کوچ عبدالمجید، شاہد اسلم اسسٹنٹ ٹو ہیڈ کوچ، کلف ڈیکن فزیو تھراپسٹ اور ڈریکس سائمن اسٹرنتھ اینڈ کنڈیشنگ کوچ ہیں۔
