The news is by your side.

Advertisement

انگلینڈ کیخلاف پہلے ٹیسٹ کیلیے قومی اسکواڈ کا اعلان

انگلینڈ کے خلاف 5اگست سے شروع ہونے والے مانچسٹر ٹیسٹ کے لیے 16 رکنی قومی اسکواڈ کا اعلان کردیا گیا۔

بدھ سے شروع ہونے والی ٹیسٹ سیریز کے پہلے میچ کے لیے پی سی بی نے 16 کھلاڑیوں کا انتخاب کر لیا۔

ٹیم کی قیادت اظہر علی کریں گے جب کہ بابر اعظم نائب کپتانی کے فرائض انجام دیں گے، دیگر کھلاڑیوں میں عابد علی، اسد شفیق، فواد عالم،عمران، کاشف بھٹی، محمد عباس، محمد رضوان، نسیم شاہ، سرفراز احمد، شاداب خان، شاہین شاہ آفریدی، شان مسعود، سہیل خان اور یاسر شاہ شامل ہیں۔

گزشتہ روز ہیڈکوچ مصباح الحق کا کہنا تھا کہ پراعتماد ٹیم کی تیاریوں سے مطمئن ہوں، انگلینڈ کو فائٹ دیں گے، دو اسپنرز کھلانے پر غور کررہے ہیں۔

ان کا کہنا تھا کہ انگلینڈ کو انگلینڈ میں ہرانا مشکل ہےلیکن ہرائیں گے، اچھی ٹیم کو ہرانا ہے تو چیلنجزکا سامنا کرنا ہوگا، انگلش بیٹنگ نے اسٹرگل کیا ہے اس کو مدنظر رکھتے ہوئے اسپنرز کو شامل کر سکتے ہیں۔

Comments

یہ بھی پڑھیں