راولپنڈی: نیشنل ٹی ٹوینٹی کپ کے کوارٹر فائنل میں ناردرن نے باآسانی سدرن پنجاب کو شکست دے کر سیمی فائنل میں جگہ بنالی، سندھ نے بلوچستان کو ہرادیا۔
تفصیلات کے مطابق ناردرن نے پہلے بیٹنگ کرتے ہوئے مقررہ اوورز میں 145 رنز بنائے، ہدف کے تعاقب میں سدرن پنجاب کی ٹیم مقررہ ہدف تک پہنچنے میں ناکام رہی۔
ناردرن کی جانب حارث رؤف نے اوپنر شان مسعود اور حسین طلعت کو بالترتیب 4 اور 12 رنز پر پویلین روانہ کیا، ابتدائی وکٹیں جلد گرنے کے بعد سدرن پنجاب کی ٹیم سنبھل نہ سکی۔
خوشدل شاہ نے شاداب خان کو دو بلند و بالا چھکے لگا کر ٹیم کو جتوانے کی ہر ممکن کوشش کی لیکن وہ 26 رنز بنا
کر رن آؤٹ ہوگئے۔
Haris Rauf’s four wicket haul secures semi-final berth for Northern
More: https://t.co/cyR0cK2NUs#NationalT20Cup | #HarHaalMainCricket | #NORvSP pic.twitter.com/YvDNBtNt1o
— Pakistan Cricket (@TheRealPCB) October 11, 2020
ذیشان اشرف نے وکٹ پر پیر جمانے کے بعد لمبی ہٹ لگانا شروع کی لیکن وہ 25 رنز پر باؤنڈری پر کھڑے محمد نواز کو کیچ دے بیٹھے۔
جب 23 گیندوں پر 52 رنز درکار تھے تو آل راؤنڈر عامر یامین کی دھواں اننگز کی شروعات کی لیکن وہ 19 گیندوں پر 33 رنز بنا کر اسٹمپڈ ہوگئے۔
اس سے قبل سدرن پنجاب نے ٹاس جیت کر پہلے فیلڈنگ کا فیصلہ کیا اور ناردرن کو 7 وکٹوں کے نقصان پر 145 رنز تک محدود رکھا۔
Southern Punjab fall of wickets. #NationalT20Cup | #HarHaalMainCricket | #NORvSP pic.twitter.com/gWaCxLw6TE
— Pakistan Cricket (@TheRealPCB) October 11, 2020
سدرن پنجاب کی جانب سے اوپنرز ذیشان ملک 6 اور عمر امین نے 4 رنز بنائے، سہیل اختر نے 35 رنز کی اننگز کھیلی، ہارڈ ہٹر آصف علی 18 گیندں پر 28 رنز بنا کر چلتے بنے۔
دوسرے میچ میں سندھ نے بلوچستان کو شکست دے کر ایونٹ میں اہم کامیابی حاصل کرلی، سرفراز احمد اور امام الحق کو میچ کا بہترین کھلاڑی قرار دیا گیا۔