کراچی: اومیکرون کا پھیلاؤ، پاکستان کرکٹ ویمنز ٹیم آئی سی سی ویمنز ورلڈکپ کوالیفائرز کو ادھورا چھوڑ کر وطن واپس پہنچ گئی۔
پاکستان کرکٹ بورڈ کی جانب سے جاری بیان کے مطابق آئی سی سی ویمنز ورلڈکپ کوالیفائرز راؤنڈ قبل ازقت ختم ہونے کے بعد پاکستان کرکٹ ٹیم زمبابوے سے کراچی پہنچ گئی۔
پی سی بی کے مطابق قومی وومن ٹیم کےکھلاڑی تین روز تک قرنطینہ میں رہیں گے۔
- Advertisement -
یہ بھی پڑھیں: آئی سی سی ویمنز ورلڈ کپ کوالیفائر منسوخ
واضح رہے کہ ایونٹ کرونا وائرس کی نئی قسم اومیکرون کے پھیلاؤ کے باعث ختم کیا گیا جو کہ میزبان ملک زمبابوے اورجنوبی افریقا میں تیزی سے پھیل رہا ہے۔
اچھی خبر یہ ہے کہ پاکستان، بنگلہ دیش اور ویسٹ انڈیز کی ٹیموں نے آئندہ سال ہونے والے ورلڈ کپ کے لیے کوالیفائی کرلیا ہے۔
