گوجرانوالہ : پاکستان واپڈا نے 62 ویں نیشنل ریسلنگ چیمپئین شپ جیت لی، کھلاڑیوں نے ڈی جے براوو کے گانے پر ڈانس کیا۔
تفصیلات کے مطابق گوجرانوالہ کے جناح اسٹیڈیم میں ہونے والی 62 ویں نیشنل ریسلنگ چیمپئین شپ پاکستان واپڈا نے چھ گولڈ اور براؤن میڈلز کے ساتھ اپنے نام کرلی جبکہ پاک آرمی اور پنجاب کی ٹیمیں ایک ایک گولڈ میڈل جیت سکیں۔
جیت کی خوشی میں ریسلرز نے ڈی جے براوو ڈانس کر کے شائقین سے خوب داد حاصل کی، اس موقع پر پہلوانوں کاکہنا تھا کہ ایسے مقابلوں سے ان کی صلاحیتوں میں نکھار پیدا ہوتا ہے اور انہیں اپنے آپ کو بین الاقوامی مقابلوں کے لیے فٹ رکھنے میں مدد ملتی ہے۔
، ان مقابلوں کو دیکھنے کے لیے جناح اسٹیڈیم گوجرانوالہ میں شائقین کی بھی بڑی تعداد موجود تھی جو ہر داؤ پیچ پر پہلوانوں کو خوب داد دیتے رہے ہیں۔
شائقین کا کہنا تھا کہ ایسے مقابلوں سے فن پہلوانی میں جدّت کے ساتھ ساتھ بہتری بھی آئے گی۔
