The news is by your side.

Advertisement

نیٹو کا یوکرین میں 15 ہزار روسی فوجیوں کی ہلاکت کا دعویٰ

نارتھ اٹلانٹک ٹریٹی آرگنائزیشن (نیٹو) نے یوکرین کے خلاف جنگ میں 15 ہزار روس فوجیوں کی ہلاکت کا دعویٰ کیا ہے۔

غیر ملکی میڈیا رپورٹس کے مطابق فوجی اتحاد نیٹو کی جانب سے جاری کردہ بیان میں کہا گیا ہے کہ یوکرین پر روس کے حملے میں ایک ماہ کے دوران 7 ہزار سے 15 ہزار روسی فوجی ہلاک ہوچکے۔

نیٹو کا کہنا ہے کہ روس اور یوکرین کے درمیان جاری جنگ کو آج ایک ماہ مکمل ہوچکا ہے، اس دوران کئی روسی فوجی زخمی بھی ہوئے۔

خیال رہے کہ رواں ماہ روس نے یوکرین کے ساتھ جنگ میں اپنے درجنوں فوجیوں کی ہلاکت اور سینکڑوں کے زخمی ہونے کی تصدیق کی تھی۔ روسی وزارت دفاع کا کہنا تھا کہ یوکرین میں روس کے 498 فوجی ہلاک جب کہ 1500 سے زائد زخمی ہوئے۔

دوسری جانب نیٹو کی رکنیت کا خواہشمند فن لینڈ نے روس کے خلاف یوکرین کو جنگی ہتھیاروں کی فراہمی کے بعد دفاعی ساز و سامان کی کھیپ بھیجنے کا اعلان کر دیا ہے۔

روس کے یوکرین پر حملہ کرنے کے چار دن بعد فن لینڈ نے جنگی علاقوں میں ہتھیاروں کی فراہمی نہ کرنے کے اپنے دیرینہ اصول کو توڑا اور اعلان کیا کہ وہ کیف کو ٹینک شکن ہتھیار، اسالٹ رائفلیں اور گولہ بارود بھیجے گا۔

یوکرین کے صدر زیلنسکی کی جانب سے یورپی یونین اور نیٹو سے اپنی فوجی امداد میں اضافے کی درخواستوں کے بعد کئی ممالک بشمول سویڈن، برطانیہ اور جرمنی نے اس ہفتے یوکرین کو نئی کھیپ بھیجنے کا اعلان کیا ہے۔

Comments

یہ بھی پڑھیں