پاکستان شوبز اںڈسٹری کے لیجینڈ اداکار نعمان اعجاز نے ایک سین کیلئے شوٹنگ کے دوران نوجوان اداکار رعید عالم کو تھپڑ ماردیا تھا۔
نعمان اعجاز پاکستانی ڈرامہ انڈسٹری کے لیجنڈ اداکار ہیں، دوسری طرف رعید محمد عالم ایک اور ہونہار ستارہ ہیں جنہوں نے ان گنت ہٹ ڈرامے دیے ہیں۔
حال ہی میں اداکار رعید محمد عالم نے ایک نجی ٹی وی کے پروگرام میں شرکت کی جہاں انہوں نے اپنے شوبز کیریئر کے آغاز میں نعمان اعجاز کے ساتھ کام کرنے کا موقع ملنے کے بارے میں بات کی۔
رعید محمد عالم نے انکشاف کیا کہ نعمان اعجاز کے ساتھ کام کرتے ہوئے انہیں بہت اچھا لگا، مجھے ان کے ساتھ کام کرنے کا موقع اس وقت ملا جب میں اپنے کیرئیر کا آغاز کر رہا تھا۔
اداکار نے نعمان اعجاز کے ساتھ کام کرنے کے تجربے کے بارے میں بات کرتے ہوئے ایک دلچسپ قصہ سنایا، انہوں نے کہا کہ مجھے ایک سین میں رونا تھا لیکن بہت کوشش کے باوجود بھی میں آنکھوں میں آنسو نہیں لا سکا۔
رعید محمد عالم نے مزید بتایا کہ جب بہت کوشش کے بعد بھی آنکھوں میں آنسو نہیں آئے تو اچانک نعمان اعجاز نے مجھے ایک تھپڑ مار دیا جس میں میں چونک گیا اور میری آنکھوں میں آنسو آ گئے جس کے بعد اُنہوں نے مجھے فوراً 5 سین کی شوٹنگ مکمل کروانے کو کہا۔