شوبز انڈسٹری کی معروف اداکارہ نوشین شاہ لندن میں اپنے ساتھ پیش آئے واقعے کو بیان کرتے ہوئے شرمندہ ہوگئیں۔
اے آر وائی ڈیجیٹل کے ڈرامہ سیریل ’دھوکہ‘ میں اداکاری کے جوہر دکھانے والی اداکارہ نوشین شاہ نے حال ہی میں مزاحیہ پروگرام میں شرکت کی اور اس دوران لندن میں پیش آئے ناخوشگوار واقعے سے متعلق اظہار خیال کیا۔
نوشین شاہ نے بتایا کہ ’لندن میں ہم ایوارڈ تقریب میں شرکت کے لیے گئے تھے وہاں ناشتے کے دوران میں نے ’ہاٹ ڈاگ‘ کھا لیے بعد میں پتا چلا کہ وہ خنزیر کے گوشت سے بنے تھے۔‘
انہوں نے کہا کہ ’میں نے کھا تو لیے لیکن ذائقہ گندا سا آرہا تھا میں سوچنے لگی کہ یہ کیا چیز ہے، اس کے ساسز کا تو مجھے کچھ ذائقہ محسوس نہیں ہورہا ہے۔‘
اداکارہ نے بتایا کہ بوفے لگا ہوا تھا ایک شخص سے پوچھا کہ یہ کیا چیز ہے اس نے بتایا کہ خنزیر کے گوشت کا ہاٹ ڈاگ ہے۔
نوشین شاہ کا کہنا تھا کہ اس کا یہ بتانا تھا کہ ’میں نے جو اسپیڈ پکڑی ہے اور الٹیاں کرتی رہی۔‘
انہوں نے کہا کہ غلطی ہوگئی جان بوجھ تو نہیں کھایا تھا، میں سو فیصد یقین کے ساتھ کہہ سکتی ہوں کہ کسی نہ کسی نے زندگی میں اس طرح کی ایک نہ ایک چیز کی ہوتی ہے جانے انجانے میں یا بے وقوفی میں آپ کھا جاتے ہیں اور بعد میں پتا چلتا ہے کہ کھایا کیا ہے۔
نوشین شاہ نے کہا کہ ’اب تو میں ہر جگہ جاکر پوچھتی ہوں کہ حلال کھانا ہے۔‘
