ریاض : پاک بحریہ کے سر براہ ایڈمرل ظفر محمود عباسی کو رائل سعودی فورسز کے اعلیٰ ترین اعزاز ”کنگ عبد العزیز میڈل آف ایکسیلنس“ سے نوازا گیا۔
ترجمان پاک بحریہ کے مطابق سعودی عرب کے شہر ریاض میں میڈل تفویض کرنے کی تقریب منعقد ہوئی۔ جس میں ایڈمرل ظفر محمود عباسی کو رائل سعودی فورسز کے اعلیٰ ترین اعزاز ”کنگ عبد العزیز میڈل آف ایکسیلنس“ سے نوازا گیا۔
رائل سعودی آرمڈ فوسز کے چیف آف جنرل اسٹاف نے ایڈمرل ظفر محمود عباسی کو میڈل تفویض کیا۔
ترجمان کا کہنا ہے کہ پاک بحریہ کے سربراہ اِن دنوں سعودی عرب کے دورے پر ہیں ، دورے کے دوران ایڈمرل ظفر محمود عباسی نے رائل سعودی آرمڈ فورسز کے چیف آف جنرل اسٹاف اور رائل سعودی نیول فورسز کے سربراہ سے ملاقاتیں بھی کیں۔
ملاقاتوں کے دوران باہمی دلچسپی کے پیشہ ورانہ اُمور اور دو طرفہ دفاعی تعاون اور بحرِہند کی سکیورٹی صورت حال پر تبادلہ خیال کیا گیا۔
پاک بحریہ ترجمان کے مطابق رائل سعودی آرمڈ فورسز کے چیف آف جنرل اسٹاف اور رائل سعودی نیول فورسز کے سربراہ نے خطے میں امن و استحکام کے قیام میں پاک بحریہ کے کردار کو سراہا۔