کراچی : چیف آف دی نیول اسٹاف ایڈمرل محمد ذکاءاللہ نے آئی سی سی چمپیئنز ٹرافی میں بھارت کو عبرتناک شکست دینے پر پاکستان ٹیم اور پوری قوم کو شاندارالفاظ میں خراج تحسین پیش کرتے ہوئے مبارکباد دی ہے۔
تفصیلات کے مطابق پاک بحریہ کے سربراہ ایڈمرل محمد ذکاءاللہ نے پاکستان ٹیم اور قوم کو ایونٹ میں کامیابی پرمبارکباد پیش کی ہے۔
انہوں نے خصوصی طورپرکپتان سرفرازاحمد اورفخرزمان کو بہترین کارکردگی کا مظاہرہ کرنے پر خراج تحسین پیش کیا۔
ترجمان پاک بحریہ کے مطابق نیول چیف نے نوجوان کھلاڑی فخرزمان کی کارکردگی کو سراہا، واضح رہے کہ نوجوان کھلاڑی فخرزمان تقریباً سات سال تک پاکستان نیوی اور پاک بحریہ کی کرکٹ ٹیم کا حصہ رہے ہیں۔
