کراچی : چیف آف دی نیول اسٹاف ایڈمرل ظفر محمود عباسی کراچی میں جوائنٹ میری ٹائم انفارمیشن کو آرڈی نیشن سینٹر کے نئے سیٹ اپ کا افتتاح کردیا۔
تفصیلات کے مطابق کراچی میں جوائنٹ میری ٹائم انفارمیشن کو آرڈی نیشن سینٹر کے نئےسیٹ اپ کا افتتاح کردیا، چیف آف دی نیول اسٹاف ایڈمرل ظفر محمود عباسی نےکراچی میں افتتاح کیا۔
سینٹر آمد پر کمانڈر کوسٹ وائس ایڈمرل فیصل رسول لودھی نے نیول چیف کا استقبال کیا، سینٹرمقامی بحری اسٹیک ہولڈرزاورعالمی سینٹرز سے رابطے کیلئے اہمیت رکھتا ہے۔
سینٹر کا مقصد اقتصادی زون میں چیلنجز سے نمٹنے کے لیے مربوط ردعمل دینا ہے، سینٹر مقامی تیار جوائنٹ میری ٹائم انفارمیشن شیئرنگ سہولت سے آراستہ ہے ، میری ٹائم انفارمیشن شیئرنگ کی یہ سہولت تیزترین رابطہ یقینی بنائے گی۔
ترجمان پاک بحریہ کے مطابق چیف آف دی نیول اسٹاف ایڈمرل ظفرمحمودعباسی نے کہا کہ سینٹرمیری ٹائم سیکٹرکےاستحکام میں کردار ادا کرے گا، سینٹرکی کارکردگی اور آپریشنز سے متعلق عملی مظاہرہ بھی پیش کیا گیا۔
نیول چیف نے سینٹر کی تجدیداورسہولیات پراطمینان کااظہار کرتے ہوئے تمام اسٹیک ہولڈرزکی کاوشوں کو سراہا۔
