اسلام آباد: پاک بحریہ کے سربراہ نے وزیر دفاع، سربراہ پاک فضائیہ اور وزیر دفاعی پیداوار سے الوداعی ملاقاتیں کی اور مختلف امور پر تبادلہ خیال کیا۔
تفصیلات کے مطابق چیف آف دی نیول سٹاف ایڈمرل محمد ذکاءاللہ نے وفاقی وزیر برائے دفا ع خرم دستگیر خان سے وزارت دفا ع میں الوادعی ملا قات کی۔
ترجمان پاک بحریہ کے مطابق ملاقات میں قومی سلامتی اور باہمی دلچسپی کے امور پر تبادلہ خیال کیا گیا۔
وزیر دفاع نے چیف آف دی نیول اسٹاف کی خدمات کو سراہا اور پاک بحریہ کو ایک مضبوط فورس بنانے میں ایڈمرل محمد ذکاء اللہ کی کوششوں کی تعریف کی۔
اسی طرح چیف آف دی نیول سٹاف ایڈمرل محمد ذکاء اللہ نے سربراہ پاک فضائیہ ایئر چیف مارشل سہیل امان سے الوداعی ملاقات کی اور باہمی دلچسپی کے امور پر تبادلہ خیال کیا۔
دریں اثنا چیف آف دی نیول سٹاف ایڈمرل محمد ذکاء اللہ نے وفاقی وزیر برائے دفاعی پیداوار رانا تنویر حسین سے بھی الوداعی ملاقات کی۔
