اسلام آباد: ‘عمران خان بڑا بھائی ہے بہت پیار دیا’، سابق کرکٹر نوجوت سنگھ سدھو کے اس بیان نے بھارتی میڈیا کو آگ بگولہ کردیا۔
بابا گرونانک کے جنم دن کی تقریبات میں شرکت کے لئے نوجوت سنگھ سدھو گذشتہ روز کرتارپور پہنچے، جہاں میڈیا سے گفتگو میں سدھو کا کہنا تھا کہ عمران خان ذہین انسان ہیں ، وہ میرا بڑا بھائی ہے۔
نوجوت سنگھ سدھو کے اس بیان پر بھارتی میڈیا سیخ پا ہوگیا اور کانگریس رہنما پر تابڑ توڑ حملے شروع کردئیے، ایسے میں بی جے پی ترجمان سمبت مشرا کے بیان نے جلتی تیلی کا کام کیا۔
بی جے پی ترجمان سمبت پاترا نے پریس کانفرنس سدھو پر الزام عائد کیا کہ سدھو پاکستان سے رشتہ بڑے بھائی تک لے آئے ہیں، وہ ماضی میں بھی پاکستان کی تعریف کرتے رہے ہیں، سدھو کا بیان یونہی نہیں آیا، یہ کانگریس کی سوچی سمجھی سازش ہے، بتایا جائے کہ کیا پریانکا گاندھی بھی پاکستانی وزیراعظم عمران خان کو اپنا بڑا بھائی مانتی ہیں؟۔
جواب میں کانگریس کے ایک رہنما نے کہا کہ بی جےپی رہنما مودی جی جپھیاں مارتےتھےتب ٹھیک تھا۔
Send ur son or daughter to the border & then call a terrorist state head ur big brother! #Disgusting #Spineless
— Gautam Gambhir (@GautamGambhir) November 20, 2021
دوسری جانب سابق بھارتی کرکٹر اور بی جے پی رہنما گوتم گمبھیر نے بھی ٹوئٹر پر نوجوت سنگھ سدھو کو آڑے ہاتھوں لیتے ہوئے کہا کہ ’ اپنے بیٹے یا بیٹی کو بارڈر پر بھیجیں اور پھر اُس ریاست کے سربراہ (عمران خان) کو اپنا بڑا بھائی کہیں۔‘
یہ بھی پڑھیں: سدھو کا بھارت روانگی پر دو طرفہ تجارت کی بحالی پر زور
کرتارپور میں میڈیا سے گفتگو نے نوجوت سنگھ سدھو نے دونوں ممالک کے درمیان تجارتی دروازے کھولنے کی خواہش کا اظہار کرتے ہوئے کہا تھا کہ تجارت سےدونوں ملکوں کےکسانوں کو فائدہ ہوگا۔
انہوں نے مزید کہا کہ ہماری زبان ثقافت سب ایک ہی ہے، یہ محض سرحدی دوریاں ہیں جو ہمیں ایک دوسرے سے جدا نہیں کرسکتیں۔