The news is by your side.

Advertisement

نوجوت سنگھ سدھو کی کرتارپور آمد، ‘دعا ہے امن بھائی چارہ قائم رہے،ماؤں کی گودیں آباد رہیں’

نارووال:باباگرونانک کےجنم دن کی تقریبات میں شرکت کیلئے نوجوت سنگھ سدھوکرتارپور پہنچ گئے اور کہا دعا ہے امن بھائی چارہ قائم رہے، ماؤں کی گودیں آباد رہیں۔

تفصیلات کے مطابق بابا گرو نانک کے552ویں یوم پیدائش کی تقریبات جاری ہے ، سابق بھارتی کرکٹراور سیاستدان نوجوت سنگھ سدھو کرتارپور پہنچ گئے۔

اس موقع پر نوجوت سنگھ سدھو نے کہا کہ بابادیوجی کےدرپرپہنچنےپرخوش ہوں، بابا گرونانک کےدرپرامن کی بھیک مانگنے آیا ہوں۔

سابق بھارتی کرکٹر کا کہنا تھا کہ دعا ہے باباگرونانک کی تعلیمات کے مطابق امن بھائی چارہ قائم رہے اور ماوں کی گودیں آباد رہیں۔

خیال رہے بابا گرو نانک کی جنم دن تقریبات کیلئے خاطر خواہ تعداد میں یاتریوں کی دربارصاحب آمد ہوئی ، تقریبات میں شریک سکھ یاتریوں کی کرتارپور راہداری کے انتظامات کی تعریف کی۔

یاد رہے پاکستان سکھ یاتریوں کی مذہبی رسومات کی ادائیگی آسان بنانے کیلئے کوشاں ہے اور سکھ یاتریوں کی سہولت کیلئے 30نومبرتک 10دن کی پیشگی اطلاع کی شرط میں نرمی کردی ہے۔

واضح رہے بھارت نےانتہائی مختصرنوٹس پر کرتارپورراہداری کھولنے کا اعلان کیا تھا۔

Comments

یہ بھی پڑھیں