نئی دہلی: بھارتی سابق کرکٹر نوجوت سنگھ سدھو نے دورہ کرتارپور کی ویڈیو شئیر کرتے ہوئے کوریڈور کو بھائی چارے اور امن کی راہ داری قرار دے دیا۔
تفصیلات کے مطابق بھارتی سابق کرکٹر نوجوت سنگھ سدھو نے سماجی رابطے کی ویب سائٹ ٹوئٹر پر دورہ کرتارپور کی وڈیو شئیر کردی اور اپنے پیغام میں کوریڈور کو بھائی چارے اور امن کی راہ داری قرار دیا۔
یہ ویڈیو مختلف کلپس کو جوڑ کر بنائی گئی ہے، جس میں نوجوت سنگھ سدھو کے دورۂ کرتارپور کے سارے مناظر دِکھائے گئے ہیں۔
Visit to Gurudwara Kartarpur Sahib Ji | The heavenly abode of Baba Nanak … the corridor of universal brotherhood, peace and infinite possibilities pic.twitter.com/zzz63ZzcjP
— Navjot Singh Sidhu (@sherryontopp) November 21, 2021
یاد رہے باباگرونانک کےجنم دن کی تقریبات کے موقع پر نوجوت سنگھ سدھو نے کرتارپور کا دورہ کیا تھا ، اس موقع پر میڈیا سے گفتگو کرتے ہوئے ان کا کہنا تھا کہ بابادیوجی کےدرپرپہنچنےپرخوش ہوں، بابا گرونانک کےدرپرامن کی بھیک مانگنے آیا ہوں، باباگرونانک کی تعلیمات کے مطابق امن بھائی چارہ قائم رہے اور ماوں کی گودیں آباد رہیں۔
بھارتی سابق کرکٹر نے وزیراعظم عمران خان کا خصوصی طور پر شکریہ ادا کرتے ہوئے کہا تھا کہ انہوں نے اتنا بڑا منصوبہ تیار کیا، جس پر میں عمران خان کا تہہ دل سے مشکور ہوں۔
نوجوت سنگھ سدھو نے دونوں ممالک کے درمیان تجارتی دروازے کھولنے کی خواہش کا اظہار کرتے ہوئے کہا تھا کہ تجارت سےدونوں ملکوں کےکسانوں کو فائدہ ہوگا، ہماری زبان ثقافت سب ایک ہی ہے، یہ محض سرحدی دوریاں ہیں جو ہمیں ایک دوسرے سے جدا نہیں کرسکتیں۔
