نی دہلی: سابق بھارتی کرکٹر اور سیاست دان نوجوت سنگھ سدھو کی اہلیہ میں کینسر کی تشخیص ہوئی جس کے بعد انہوں نے شوہر کے نام جذباتی پیغام شیئر کیا ہے۔
سابق بھارتی کرکٹر اور سیاست دان نوجوت سنگھ سدھو کی اہلیہ نوجوت کور نے لکھا کہ ’وہ جیل میں ایک ناکردہ جرم کی سزا کاٹ رہے ہیں جو بھی ملوث ہیں انہیں معاف کردیں۔‘
نوجوت کور نے لکھا کہ ’مجھے معاف کرنا میں آپ کا انتظار نہیں کرسکتی کیونکہ یہ اسٹیج ٹو کینسر ہے اور میں آج سرجری کروانے جارہی ہوں۔‘
انہوں نے لکھا کہ میں کسی پر الزام نہیں دے رہی بس یہ خدا کی مرضی ہے۔‘
He is in the prison for a crime he has not committed.Forgive all those involved.Waiting for you each day outside probably suffering more than you. As usual trying to take your pain away,asked for sharing it. Happened to see a small growth, knew it was bad.1/2
— DR NAVJOT SIDHU (@DrDrnavjotsidhu) March 22, 2023
نوجوت کور نے لکھا کہ ’میں باہر آپ کے انتظار میں ہر روز زیادہ مصیبت برداشت کررہی ہوں ہمیشہ کی طرح کوشش کرتی ہوں کہ آپ کی تکلیفوں کو دور کرسکوں اور کہتی ہوں کہ اپنی تکلیفیں مجھے بانٹ دیں۔‘
انہوں نے لکھا کہ سچ بہت طاقتور ہے لیکن وہ آپ کا بار بار امتحان لیتا ہے۔ یہ کلیوگ ہے۔
یاد رہے کہ سدھو 34 سال پرانے معاملے میں سپریم کورٹ کی جانب سے مجرم قرار دیے جانے کے بعد مئی 2022 سے پٹیالہ سینٹرل جیل میں قید ہیں۔
