The news is by your side.

Advertisement

وزیر اعظم آج قومی اسمبلی کے اجلاس میں شریک ہوں گے

اسلام آباد: وزیر اعظم نوازشریف آج قومی اسمبلی کے اجلاس میں شرکت کر کے پانامہ پیپرز سے متعلق الزامات کا تفصیلی جواب دیں گے۔

تفصیلات کے مطابق وزیر اعظم قومی اسمبلی میں شرکت سے پہلے اپنے قریبی رفقا سے مشاورت کریں گے،جبکہ مسلم لیگ ن کی قیادت کی جانب سے وزیر اعظم کی قومی اسمبلی میں شرکت کے موقع پر اپنے اراکین اسمبلی اور اتحادیوں کو لازمی طور پر شریک ہونے کی ہدایت کی گئی ہے.

اپوزیشن نے قومی اسمبلی کے اجلاس سے پہلے متحدہ اپوزیشن کا اجلاس بلالیا ہے جس میں وزیر اعظم کی قومی اسمبلی اجلاس میں شرکت کے حوالے سے حکمت عملی پر غورہوگا.

اپوزیشن کے اجلاس میں قائد حزب اختلاف کے گفتگو کے نکات پر بھی مشاورت ہوگی.

سینیٹ اور قومی اسمبلی کا اجلاس دو دن کا وقفے کے بعد آج ہوگا. سینیٹ کا اجلاس 4 بجے جبکہ اپوزیشن کا اجلاس شام 5 بجے ہوگا.

وزیر اعظم نواز شریف کی جانب سے آج قومی اسمبلی کے اجلاس میں پانامہ کاغذات کے معاملے پر ایک پالیسی بیان دینے کی توقع ہے.

قومی اسمبلی کے اجلاس میں آج وزیراعظم پاناماپیپرز کی تحقیقات کو شفاف بنانے کے لیے اقدامات کا اعلان کر سکتے ہیں.

واضح رہے کہ قومی اسمبلی کے اجلاس سے پہلے وزیراعظم اپنے قریبی رفقا مشاورت کریں گے جبکہ اپوزیشن کی جانب سے اجلاس سے قبل متحدہ اپوزیشن کا اجلاس بلایا گیا ہے جس میں مشترکہ حکمت عملی طے کی جائیگی.

Comments

comments

یہ بھی پڑھیں