لیگی کارکنان کاجمائما کےگھر کے باہر مظاہرہ ،عمران خان کیخلاف نعرے -
The news is by your side.

Advertisement

لیگی کارکنان کاجمائما کےگھر کے باہر مظاہرہ ،عمران خان کیخلاف نعرے

لندن : پانامہ لیکس نے لندن میں بھی ہنگامہ مچا دیا۔ ن لیگ کےکارکنوں نے عمران خان کی سابق اہلیہ جمائمہ کے گھر کے باہر مظاہرہ کیا، عمران خان کا کہنا ہے کہ جمائمہ کے گھر کے باہر احتجاج کر کے ن لیگ پاناما لیکس سے توجہ ہٹانا چاہتی ہے۔

تفصیلات کے مطابق پاکستانی سیاست لندن میں بھی رنگ دکھانے لگی ۔ نواز لیگ کے کارکنوں نے عمران خان کی سابق اہلیہ جمائمہ کے گھر کا گھیراؤ کرلیا، احتجاج کے وقت عمران خان جمائما کے گھر میں موجود تھے اور بر منگھم جلسے میں جانے کی تیاری کر رہے تھے۔

مظاہرین نے عمران خان کی گاڑی دیکھ کر گو عمران گو کے نعرے لگانے شروع کر دیئے۔ لیگی رہنماؤں نے مطالبہ کیا کہ عمران خان شوکت خانم اسپتال کے فنڈز کا حساب دیں۔

پی ٹی آئی رہنما کے فیصل واوڈا نے الزام عائد کیا ہے کہ ن لیگ کے گلو بٹوں نے عمران خان کی گاڑی پر بھی ڈنڈے برسائے ہیں ۔عمران خان نے اپنے ٹوئیٹ میں احتجاج کو پانامہ لیکس سے توجہ ہٹانے کی سازش قرار دیاہے۔

 

Comments

comments

یہ بھی پڑھیں