لاہور: نوازشریف کے سروسز اسپتال میں علاج کا آج 14واں روز ہے، آئی ٹی پی تشخیص کے بعد تجویز کردہ ادویات انہیں بہتر کر رہی ہیں۔
تفصیلات کے مطابق سابق وزیراعظم نواز شریف لاہور کے سروسز اسپتال میں زیرعلاج ہیں، ذرائع میڈیکل بورڈ کا کہنا ہے کہ تجویز کردہ ادویات سے نواز شریف کی طبیعت میں بہتری آرہی ہے۔
12 رکنی میڈیکل بورڈ نوازشریف کا آج بھی صبح 11 بجے معائنہ کرے گا، نوازشریف کو دل کی دوسری ادویات بھی شروع کروادی گئی ہیں۔
ذرائع میڈیکل بورڈ کا کہنا ہے کہ میڈیکل بورڈ نوازشریف کے مزید ٹیسٹ تجویز کرے گا، دل اور گردے کے مسائل علاج میں مشکلات پیدا کررہے ہیں۔
’میڈیکل بورڈ نے نوازشریف کو خون کےکےکلاٹ ختم کرنے والی دوا روک دی، نوازشریف کے پلیٹ لیٹس کی تعداد 40 ہزار کے لگ بھگ ہے، تعداد 50ہزار سے تجاوز کرنے تک کلوپیڈوگرل استعمال نہیں کراسکتے‘۔
ذرائع کے مطابق نواز شریف نے آج سی بی سی سمیت کوئی بھی ٹیسٹ نہ کرنے کا فیصلہ کیا ہے، کل دوبارہ طبی معائنے کے بعد سی بی سی اور دیگر ٹیسٹ کرائے جائیں گے۔
نواز شریف ، آصف زرداری کے بعد سابق وزیراعظم کی اسپتال منتقلی
نوازشریف کا بلڈ پریشر قابو میں میں ہے، اسٹرائیڈ انجکشن کی وجہ سے شوگر میں اتار چڑھاؤ جاری ہے۔
یاد رہے کہ گزشتہ دنوں میڈیکل بورڈ کے ذرایع نے بتایا تھا کہ نواز شریف کے پلیٹ لیٹس کی تعداد 39 ہزار تک پہنچ گئی ہے، آئی وی آئی جی کی انجکشن تھراپی بھی روک دی گئی ہے، نواز شریف 30 ہزار پلیٹ لیٹس میں زندگی گزار سکتے ہیں، مزید بڑھانے کے لیے ادویات دی گئیں تو خطرہ ہو سکتا ہے۔
