The news is by your side.

Advertisement

کسی سے نہیں ڈرتا عوام کی خدمت کرنا جانتا ہوں، نواز شریف

شیخوپورہ: نااہل سابق وزیر اعظم نواز شریف نے کہا ہے کہ کسی سے نہیں ڈرتا عوام کی خدمت کرنا جانتا ہوں، جو ہورہا ہے وہ ہوتا رہا تو ملک کا حال خراب ہوجائے گا، سب میرے دشمن ہیں انتقام لینا چاہتے ہیں، گھبرانے والا نہیں۔

ان خیالات کا اظہار انہوں نے شیخوپورہ میں جلسے سے خطاب کرتے ہوئے کیا، نواز شریف نے کہا کہ الحمد اللہ ملک کو ایٹمی طاقت بنایا، ملک کی ترقی کیلئے کام کررہا تھا، مخالفین کسی ایک منصوبے کا نام بتادیں جو مکمل کیا ہو۔

سابق وزیر اعظم کا کہنا تھا کہ امپائر کی انگلی والوں کو رخصت کرنے کا وقت آگیا ہے، 2018 کے الیکشن میں عوام انہیں خدا حافظ کہہ دیں گے، ہم پیچھے ہٹنے والے نہیں فولادی ہیں۔

نواز شریف نے شیخوپورہ کی عوام کا شکریہ ادا کرتے ہوئے کہا کہ آپ لوگوں نے نواز شریف کو سر پر بٹھادیا، نواز شریف آپ کی خدمت کرتا رہے گا کبھی بھی آپ کو مایوس نہیں کرے گا۔

انہوں نے عوام سے سوال کیا کہ آپ لوگوں نے مجھے کتنے سال کے لیے منتخب کیا تھا، پانچ سال پورے نہیں کرنے دئیے گئے، 90 میں دو سال میں چھٹی کر دئی گئی، برطرف کرنے اور ہتھکڑیاں لگانے کی وجہ سمجھ میں آتی ہے؟ ملک سے دہشت گردی کس نے ختم کی؟ 70 سال کا حساب لیں گے اور انقلاب لائیں گے۔

یہ پڑھیں: بیس سال سےنواز شریف کو مائنس کرنے کی کوشش ہورہی ہے: مریم نواز

نواز شریف نے پیپلزپارٹی اور کے پی کے حکومت پر تنقید کرتے ہوئے کہا کہ پیپلزپارٹی والو! تم نے ملک میں اندھیرے کردئیے تھے، کے پی کے کا حال دیکھیں تو ٹوٹا پھوٹا ہوا ہے، مٹی ہے، لوڈ شیڈںگ، دہشت گردی ختم کی، اربوں کی سرمایہ کاری لے کر آئے، شہباز شریف کو ترقیاتی کاموں کے انبار لگانے پر مبارکباد دیتا ہوں۔

انہوں نے کہا کہ ووٹ کا تقدس پامال کرنے کی جرات کسی کو نہیں ہونی چاہئے، بیٹے سے تنخواہ نہ لینے پر نااہل کردیا گیا، نواز شریف نے جیب سے پچاس روپے کا نوٹ لہرا کر کہا کہ کوئی ثابت کردے کہ نواز شریف نے 50 روپے کی کرپشن کی ہو، اگر کوئی کرپشن ثابت کردے تو عمر بھر کے لئے ریٹائر ہوجاؤں گا۔

سابق وزیر اعظم کا کہنا تھا کہ سب میرے دشمن ہیں، انتقام لینا چاہتے ہیں، گھبرانے والا نہیں، نواز شریف کا مان رکھنے پر شیخوپورہ والوں کو دعائیں دے کر جارہا ہوں، آخر میں انہوں نے نواز شریف کو ووٹ دو کے نعرے بھی لگوائے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں