لاہور : این اے 130 سے مسلم لیگ ن کے قائد نواز شریف اور این اے 119 سے مریم نواز کی کامیابی چیلنج کردی گئی۔
تفصیلات کے مطابق این اے 130 نواز شریف کی کامیابی کو لاہور ہائی کورٹ میں چیلنج کردیا گیا، ڈاکٹر یاسمین راشد نے لاہور ہائیکورٹ میں درخواست دائر کردی۔
درخواست میں ریٹرننگ افسر، الیکشن کمیشن سمیت دیگر کو فریق بنایا گیا اور کہا گیا کہ نواز شریف فارم 45 کے مطابق ہار چکے ہیں، نواز شریف کو مبینہ ملی بھگت سےفارم 47 میں خود کو فاتح قرار دیاگیا۔
دائر درخواست میں کہنا تھا کہ فارم 45 کےنتائج ہمارے پاس موجود ہیں، عدالت فارم 45 کے مطابق نتائج جاری کرنے کا حکم دے۔
درخواست میں استدعا کی گئی کہ الیکشن کمیشن کو حتمی نتیجہ جاری کرنے سے روکنےکا حکم دیا جائے اور دوبارہ گنتی کا حکم اور فارم 47 کا نتیجہ کالعدم قرار دے۔
دوسری جانب لاہور ہائیکورٹ میں این اے 119 سے مریم نواز کی کامیابی کو بھی چیلنج کردیا گیا، درخواست آزادامیدوار شہزاد فاروق کی جانب سے دائرکی گئی۔
درخواست میں کہا گیا کہ حلقےکےپریزائیڈنگ افسران نے فارم 45 نہیں دیا ،آراو نے بھی نتیجہ مرتب کرتے ہوئے نوٹس نہیں کیے، آر او نے عدم موجودگی میں نتیجہ مرتب کرکے جاری کیا۔
درخواستمیں کہنا تھا کہ مریم نواز سے جیت چکا تھا مگر دھاندلی کر کے ہرایا گیا ،عدالت آراو کو فارم 47 دوبارہ مرتب کرنے کا حکم دے اور مریم نواز کی کامیابی نتیجہ کالعدم قرار دے۔
