اسلام آباد : اسلام آباد ایئرپورٹ پر سابق وزیراعظم نوازشریف کی آمد سے قبل سیکیورٹی کے خصوصی انتظامات کرلئے گئے ، نوازشریف ایئرپورٹ پر دو گھنٹے قیام کے بعد لاہور روانہ ہوں گے۔
تفصیلات کے مطابق مسلم لیگ ن کے قائد نوازشریف کی آمد سے قبل اسلام آباد ایئر پورٹ پر سیکیورٹی کے خصوصی انتظامات کیے گئے ہیں۔
پنجاب، اسلام آباد پولیس، اے ایس ایف اورسی اے اے نے انتظامات مکمل کر لئے ، خصوصی پرواز دوپہر میں اسلام آباد لینڈ کرے گی۔
نواز شریف اسلام آباد انٹرنیشنل ایئر پورٹ پر امیگریشن کلیئر کرائیں گے، ن لیگ کی لیگل ٹیم عدالتی احکامات ایف آئی اے اور امیگریشن حکام کو فراہم کریگی
نوازشریف اپنی لیگل ٹیم سےملاقات اور مشاورت کے بعد لاہور روانہ ہونگے
لاہور میں نواز شریف کے قافلے کے استقبال کیلئے دو طیارے ڈیڑھ گھنٹے تک گل پاشی کریں گے۔
نوازشریف کی وطن واپسی کےموقع پر استقبال کےلیے مختلف شہروں سے قافلےلاہور کیلئے رواں دواں ہے، اپنے قائد کے شاندار استقبال کیلئے ن لیگی کارکنان لاہور مینار پاکستان پر جمع ہوں گے۔
سابق وزیراعظم نوازشریف کےاستقبال کیلئے لاہور میں تیاریاں مکمل کرلی گئیں ہیں، نوازشریف نےدبئی سےشہبازشریف اورمریم نواز سے ٹیلی فون کرکے تیاریوں کے حوالے سے پوچھا، مریم نوازنے مینار پاکستان جلسہ گاہ کی تیاریوں پربریفنگ دی اور ویڈیوز بھی بھجوائیں۔
