لندن: مسلم لیگ (ن) کے قائد نواز شریف نے سفارتی پاسپورٹ ملنے کی تصدیق کردی ہے۔
اے آر وائی نیوز کے مطابق وزیراعظم شہباز شریف کی نواز شریف سے ملاقات ختم ہوگئی، لیگی قیادت کی ملاقات تقریبا ساڑھے تین گھنٹے جاری رہی۔
ملاقات میں مرکزی نائب صدر مریم نواز، خواجہ آصف، ملک احمد خان، سلیمان شہباز، حسین نواز موجود تھے۔
ذرائع کا بتانا ہے کہ وزیراعظم شہباز شریف ملاقات کے بعد روانہ ہوگئے ہیں اور نواز شریف نے بھی سفارتی پاسپورٹ ملنے کی تصدیق کردی ہے۔
سابق وزیراعظم نواز شریف نے کہا کہ پاسپورٹ کافی دنوں سے میرے پاس موجود ہے۔
حکومت نے نواز شریف کو
سفارتی پاسپورٹ جاری کردیا#ARYNews #NawazSharif pic.twitter.com/0nJiYRJfJI— ARY NEWS (@ARYNEWSOFFICIAL) November 10, 2022
واضح رہے کہ حکومتِ پاکستان کی جانب سے نواز شریف کو سفارتی پاسپورٹ جاری کیا گیا تھا انہیں وزارت خارجہ کی حتمی منظوری کے بعد سفارتی پاسپورٹ جاری کیا گیا تھا۔
سفارتی پاسپورٹ 5 سال کے لیے جاری کیا گیا ہے، پاسپورٹ اینڈ امیگریشن کے آفس کی جانب سے پاسپورٹ نواز شریف بھجوایا گیا۔
یاد رہے کہ پی ڈی ایم حکومت نے 25 اپریل کو نواز شریف کو پاسپورٹ جاری کیا تھا جس کی مدت 10 سال ہے اور یہ ترجیحی بنیاد پر عام کیٹیگری میں جاری کیا گیا تھا۔
