لاہور : سابق وزیراعظم نوازشریف کی بیٹی مریم کے ہمراہ مری کی سڑکوں پر ڈرائیونگ کی ویڈیو سامنے آگئی ، جس میں وہ مرحوم اہلیہ کلثوم نواز کی یادوں کا ذکر کرتے ہوئے پرانی یادیں تازہ کر رہے۔
تفصیلات کے مطابق سابق وزیراعظم نواز شریف نے مری کےدورے میں ڈرائیونگ سیٹ سنبھال لی، نواز شریف نے مریم نواز کے ہمراہ مری کی سڑکوں پر ڈرائیونگ کی، اس موقع پر مسلم لیگ ن کی رہنما مریم ا ورنگزیب بھی ہمراہ تھیں۔
ڈرائیونگ کے دوران نواز شریف مریم کے ساتھ مرحوم اہلیہ کلثوم نواز کی یادوں کا ذکر کرتے رہے اور پرانی یادیں بھی تازہ کیں۔
اپنا وطن، اپنا پیارا پاکستان pic.twitter.com/MqYYgLWdrS
— Maryam Nawaz Sharif (@MaryamNSharif) November 22, 2023
نواز شریف بیٹی کو راستے دکھاتے رہے اور ماضی کی حسین یادیں سناتےہوئے بتایا کہ یہاں میں اور کلثوم پیدل آتے تھے، آگے دیکھا کافی چڑھائی آئے گی، مریم نواز بھی والد کی باتوں سے محظوظ ہوتی رہیں۔
مریم نواز نے والد کے ساتھ سیر کی ویڈیوسوشل میڈیا پر شیئر کردی، جس میں دیکھا جا سکتا ہے کہ نواز شریف اور مریم راستے میں کھڑے لوگوں کے سلام کا ہاتھ ہلا کر جواب بھی دیتے رہے۔
