اسلام آباد : احتساب عدالت نے توشہ خانہ ریفرنس میں سابق وزیراعظم نواز شریف کے وارنٹ معطل کرکے ضمانت منظور کرلی۔
تفصیلات کے مطابق احتساب عدالت میں سابق وزیراعظم نواز شریف کیخلاف توشہ خانہ ریفرنس کی سماعت ہوئی۔
احتساب عدالت نے نواز شریف کے وارنٹ معطل کرکے ضمانت منظور کرلی اور نواز شریف نے 10لاکھ روپے ضمانتی مچلکے جمع کرادیئے۔
دوسری جانب نوازشریف کی جانب سے حاضری سے استثنیٰ کی درخواست بھی دائر کردی گئی، جس میں کہا گیا کہ مستقبل میں حاضری سے استثنیٰ دیا جائے، جس پر جج احتساب عدالت محمد بشیر نے کہا کہ فرد جرم کےلئے تو نوازشریف کو آنا ہی پڑے گا۔
نیب کی جانب سے احتساب عدالت میں نوازشریف کے دائمی وارنٹ منسوخ کرنے کی استدعا کرتے ہوئے کہا کہ وارنٹ منسوخ کر دیئےجائیں تاکہ ٹرائل کاآغازہوسکے۔
احتساب عدالت نے نواز شریف کی ضبط پراپرٹی واپس کرنے کی درخواست پر نیب کو نوٹس جاری کر دیا۔
