لندن: سابق وزیر اعظم پاکستان میاں نواز شریف کو لندن میں صحافیوں نے گھیر لیا اور کئی سوالات کر ڈالے لیکن ن لیگی قائد کی جانب سے خاطر خواہ جوابات نہیں دیے گئے۔
تفصیلات کے مطابق لندن میں نواز شریف سے صحافیوں نے کئی سوالات کیے تاہم ان کی جانب سے جواب بس دو ہی ملے، جب صحافیوں نے پوچھا کہ آپ کی واپسی کی خبریں گرم ہیں کیا فیصلہ کیا؟ تو نواز شریف کا جواب تھا ’’راستہ پلیز!‘‘
صحافیوں نے پھر دریافت کرنا چاہا کہ میاں صاحب پاکستان جانے کی کوئی تاریخ طے کی؟ انھوں نے جواب دیا کہ ’’بتائیں گے آپ کو۔‘‘ ایک اور صحافی نے پاکستان میں پیش آنے والے نہایت افسوس ناک واقعے رائے جاننی چاہی کہ سانحہ جڑانوالا پر کچھ کہیں گے؟ لیکن نواز شریف نے کوئی جواب نہیں دیا۔
- Advertisement -
صحافی کے پوچھنے پر کہ پاکستان میں ن لیگ کی انتخابی مہم کی قیادت کریں گے؟ انھوں نے جواب دیا ’’انشااللہ۔‘‘
