پاکستان میں ممکنہ طور پر پیر کو عیدالفطر منائی جائے گی کون سا سیاستدان کہاں عید منائے گا جانیے اس رپورٹ میں۔
سپارکو اور محکمہ موسمیات کی پیشگوئی کے مطابق پاکستان میں آج شوال کا چاند نظر آنے کا قومی امکان ہے اور عیدالفطر پیر 31 مارچ کو ہو سکتی ہے۔
کون سا سیاستدان کہاں عید منائے گا اس حوالے سے کچھ تفصیلات سامنے آئی ہیں۔
مسلم لیگ (ن) کے صدر اور سابق وزیراعظم نواز شریف اور ان کی بیٹی وزیراعلیٰ پنجاب مریم نواز لاہور میں عید منائیں گے۔ نواز شریف جاتی امرا میں نماز عید ادا کریں گے۔
سابق وزیر اعلیٰ پنجاب اور ن لیگ کے رہنما حمزہ شہباز ماڈل ٹاؤن لاہور میں عید منائیں گے۔ اسپیکر پنجاب اسمبلی ملک محمد احمد خان عید منانے اپنے آبائی علاقے قصور جائیں گے۔
گورنر پنجاب سردار سلیم حیدر عید کا پہلا روز لاہور میں گزاریں گے۔ وہ تاریخی بادشاہی مسجد میں نماز عید ادا کریں گے۔
ہلال عید کی دید، پاکستان میں مرکزی رویت ہلال کمیٹی کا اجلاس آج ہوگا
