تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

نوازشریف اب پاکستانی شہری نہیں‌ ہیں، شیخ‌ رشید احمد

اسلام آباد: وفاقی وزیر داخلہ شیخ رشید احمد نے کہا ہے کہ نوازشریف کا پاسپورٹ بارہ فروری 2021 کو ختم ہوا، وہ اب پاکستانی شہری نہیں ہیں۔

اے آر وائی نیوز سے گفتگو کرتے ہوئے وفاقی وزیرداخلہ شیخ رشید احمد کا کہنا تھا کہ نوازشریف کا پاکستانی پاسپورٹ بارہ فروری 2021 کو ختم ہوا، قانون کے مطابق وہ پاکستان کے شہری نہیں ہیں۔

انہوں نے کہا کہ وہ کسی اور ملک کے پاسپورٹ سے اپلائی کریں تو کوئی اور بات ہے۔ شیخ رشید احمد نے پیش کش کی کہ اگر نوازشریف پاکستان آنا چاہیں تو میں چوبیس گھنٹے میں اُن کا پاسپورٹ جاری کرسکتا ہوں، وہ برطانوی سفارت خانے سے چوبیس گھنٹے بعد اپنے سفری دستاویزات لے سکتے ہیں۔

مزید پڑھیں: ’نواز شریف نے جھوٹ بول کر برطانوی ویزا لیا تھا‘

یہ بھی پڑھیں: شریف فیملی کا برطانوی ہوم ڈیپارٹمنٹ کے فیصلے کے خلاف اپیل میں جانے کا اعلان

اسے بھی پڑھیں: برطانیہ نے نوازشریف کی ویزا توسیع کی درخواست مسترد کر دی

واضح رہے کہ برطانیہ نے سابق وزیراعظم کی ویزہ توسیع کی درخواست مسترد کرتے ہوئے نوازشریف کو امیگریشن ڈیپارٹمنٹ کے فیصلے کے خلاف اپیل دائر کرنے کا حق بھی دیا۔

اپیل مسترد  ہونے کی صورت میں سیاسی پناہ کی درخواست دے سکتے ہیں۔ تیسرے آپشن میں انہیں ہنگامی سفر ی دستاویزات کے لیے حکومت پاکستان سے رابطہ کرنا ہوگا۔

مسلم لیگ ن کی ترجمان مریم اونگزیب نے بھی نوازشریف کی درخواست مسترد ہونے کی تصدیق کی جبکہ حسین نواز نے فیصلے کے خلاف عدالت میں اپیل دائر کرنے کا اعلان کیا۔

Comments

- Advertisement -